Cambi de paviment en pati dera Escòla de Sant Ròc

Er Ajuntament de Bossòst a cambiat eth paviment deth pati dera Escòla de Sant Ròc damb eth plaçament d’un grauadís especiau, d’acòrd damb era normativa vigenta, entà pr’amor de protegir as alumnes. Aguesta actuacion a estat amiada a tèrme enes darrèri dies pera empresa BARBA S.L., en tot coïncidir damb er inici deth cors escolar.
 
Eth Tinent d’Alcalde e còsso d’Educacion, Amador Marqués, a assegurat que “damb aguesta mesura e d’acòrd damb eth Conselh Escolar, se sage de dar proteccion e esvitar possibles danhs as mainatges, ja qu’auem vist qu’era antiga tèrra, plaçada d’ençà dera construccion deth centre, suposaue un cèrt risc pes pèires que contenie”.