Trobada deth sindic d’Aran damb eth conselhèr d’Economia e Coneishement dera Generalitat

Eth sindic a plantejat ath conselhèr eth besonh de garantir eth finançament sufisent entà desplegar es competéncies transferides ath Conselh Generau per part dera Generalitat.

per Redacció , 2 de març de 2011 a les 16:12 |
Aquesta informació es va publicar originalment el 2 de març de 2011 i, per tant, la informació que hi apareix fa referència a la data especificada.
Eth sindic d’Aran, Francés Boya, s’a entrevistat aué damb eth conselhèr d’Economia e Coneishement dera Generalitat de Catalonha, Andreu Mas-Colell. En aguesta prumèra amassada institucionau, i a assistit tanben eth vicesindic 1èr e conselhèr d’Administracion Publica e Finances deth Conselh Generau d’Aran, Rufino Martínez.

Eth sindic a plantejat ath conselhèr eth besonh de garantir eth finançament sufisent entà desplegar es competéncies transferides ath Conselh Generau per part dera Generalitat, ath marge des restriccions economiques que pogue aplicar eth Govèrn catalan en matèria d’inversions, d’acòrd damb es sues directritzes e eth nau pressupòst de 2011, qu’encara s’a d’aprovar. D’aguesta forma, se permet desvolopar, enes mielhors condicions possibles, er autogovèrn dera Val d’Aran per miei der Acòrd de Finançament que mantien andús govèrns.


En aguest sens, Francés Boya propòse, coma esturment de futur e d’acòrd damb eth contèxte economic e financèr, un nau Pacte Economic entara Val d’Aran que sigue mès concrèt e eficient e dongue respòsta ath mandat dera naua Lei de Regim Especiau, ara en procès de tramitacion.

D’un aute costat, eth sindic a dat a conéisher ath conselhèr d’Economia e Coneishement es experiéncies amiades a tèrme pendent es darrèri ans en encastre der intercambi comerciau e toristic entre era Val d’Aran e Àustria, coma forma nauèra de dinamizacion deth sector.


Eth Sindic d'Aran damb Conseller Economia.

 

Participació