Boya a manifestat que “eth modèl d’immersion vigent ei pleament constitucionau, ath delà qu’es podèrs publics an de promòir e garantir era proteccion dera lengua pròpia que se tròbe en ua situacion de feblesa respècte des autes, com passe damb er aranés ena Val d’Aran”.
“Des d’Unitat d’Aran, respectam era diversitat e era coexisténcia pacifica des lengües oficiaus, en tot hèr der aranés era lengua veïculara tant dera escòla com dera Administracion, perque sabem qu’ei garantia de coesion dera societat e unitat civil deth pòble aranés”. Per aquerò, “tà nosati era immersion en aranés ei inqüestionabla”.
Segontes Boya, “òc ei mès qüestionable qu’un partit coma eth PP, sòci preferent de Convergéncia, ahisque ath trencament d’aguest modèl, qu’a estat un exit pendent es sòns ans d’aplicacion”.
Boya defen era immersion en aranés coma “garantia de coesion e unitat deth pòble”
Er exsindic d’Aran e secretari generau d’Unitat d’Aran, Francés Boya, s’a posicionat aué en contra dera resolucion deth TSJC qu’inste ara Generalitat a adoptar es mesures avientes entà hèr deth castelhan tanben lengua veïculara ena escòla.
07
de setembre
del
2011