Es conselhèrs generaus Juan Antonio Serrano (UA) e José Antonio Bruna (PRAG) acompanhen aué ath sindic d’Aran, Carlos Barrera (CDA), entà hèr entrega deth document de reforma dera Lei d’Aran ara presidenta deth Parlament, Núria de Gispert. Aguest tèxte siguec consensuat dejà ena passada legislatura entre es grops politics damb representacion en Conselh Generau.
Er exsindic e conselhèr generau Francés Boya a declarat qu’eth document de consens entre es fòrces araneses “ei un bon punt de partida entà actualizar e melhorar er autogovèrn aranés”. Boya a precisat que “tà UA, era naua Lei d’Aran non a d’èster una finalitat en si, senon un esturment entà contribuir ara melhora dera vida des ciutadans e es ciutadanes dera Val d’Aran, sustot en aguesti moments de dificultats economiques entà toti”.
Per aguest motiu, eth pòrtavotz d’UA defen era unitat des partits politics, atau coma eth besonh de “blindar er autogovèrn damb un nau sistèma de finançament, qu’assegure eth desplegament des competéncies de forma eficaça e propèra, damb especiau atencion as matèries mès sensibles, coma son es de salut e es politiques sociaus”.
Segontes Boya, “era reforma dera lei ei ua oportunitat entà sajar d’estudiar vies de blindatge economic per part des institucions catalanes coma garantia ath desvolopament deth nòste autogovèrn”.
Boya: “Era Lei d’Aran a d’èster un esturment tara melhora dera vida des ciutadans”
Er exsindic e conselhèr generau Francés Boya a declarat qu’eth document de consens entre es fòrces araneses “ei un bon punt de partida entà actualizar e melhorar er autogovèrn aranés”.
29
de juliol
del
2011