Prumèra propòsta d’Unitat d’Aran en inici dera naua legislatura

Francés Boya propòse modificar eth reglament entà agilizar es comissions e es organs directius dera maxima institucion.

per NacióLleida , 14 de juliol de 2011 a les 10:46 |
Aquesta informació es va publicar originalment el 14 de juliol de 2011 i, per tant, la informació que hi apareix fa referència a la data especificada.
Francés Boya.

Eth conselhèr pòrtavotz deth grop d’Unitat d’Aran-PM-PSC, Francés Boya, a verbalizat aué era prumèra propòsta d’UA en inici dera naua legislatura ena maxima institucion aranesa. Boya a proposat ath nau govèrn de CDA “crear un grop de trabalh entà modificar eth Reglament Organic deth Conselh Generau damb er objectiu d’agilizar e dotar de mès eficàcia e resolucion as comissions e es organs directius que formen part deth Conselh o, en sòn cas, suprimir-ne es que non arriben a èster operatius, com de viatges passe”.
 


Aguesta modificacion aurie de perméter tanben era representacion de toti es grops politics deth Plen ena Comission Mixta Generalitat – Conselh Generau d’Aran. En aguest sens, tant UA coma eth PRAG an reclamat era incorporacion d’un representant d’aguest darrèr partit, ja que n’a demorat excludit. Ena darrèra legislatura, eth PRAG auie representacion en organ de relacion institucionau entre era Generalitat e eth Conselh.
 

D’un aute costat, eth Plen d’aué a balhat compde dera constitucion des grops deth Conselh. Eth d’Unitat d’Aran ei format pes conselhèrs generaus Francés Boya (pòrtavotz titolar), Rufino Martínez (pòrtavotz suplent), Amador Marqués, Francisco Bruna e Juan Antonio Serrano. Dera part deth PRAG, eth conselhèr ei José Antonio Bruna.

 

Participació