Medan e Boya en Les. En Arres e Vilamòs, eth sindic Paco Boya a estat acompanhat deth candidat d’UA peth terçon de Lairissa, Marcel Castet. Ath delà, militants e simpatizants d’UA an participat en dinar d’ua paelha, qu’a agut lòc eth passat dimenge en Vilamòs.
Ager, auec lòc un acte politic en Gausac, damb era participacion de Boya, er alcaldable de Vielha-Mijaran, Juan Riu; era candidata entà alcaldessa pedània, Nieves Cabau; e es candidats per Castièro, Rufino Martínez, Juan Antonio Serrano, e Maria Vergés, respectivament.
Aué, es candidats an hèt eth pòrta a pòrta en Betren, a on s’an desplaçat Boya, Riu, Serrano e eth candidat a alcalde pedani de Betren, Marc Cuny. Entre ager e aué, tant eth candidat a sindic coma er alcalde de Les e candidat ara reeleccion, Emilio Medan, an hèt eth pòrta a pòrta en pòble de Quate Lòcs.