Eth Govèrn d’Aran estaque damb França era cooperacion sanitària e d’emergéncies

per NacióLleida, 30 de novembre de 2010 a les 16:37 |
Aquesta informació es va publicar originalment el 30 de novembre de 2010 i, per tant, la informació que hi apareix fa referència a la data especificada.

Aguest nau acòrd formalize ara fin era collaboracion entath desvolopament corrècte des operatius d’emergéncies en Aran, quan s’agen de besonh es servicis deth Centre Espitalari Universitari de Tolosa e eth Centre Espitalari de Comènges Pirenèus.

Eth sindic d’Aran, Francés Boya, e er alcalde de Sant Gaudenç, Jean-Raymond Lepinay, an presidit er acte entà formalizar er acòrd, signat pera responsabla deth Servici Aranés de Benèster e Salut (SABS), Maria Àngels Borràs; eth director generau der Espitau Universitari de Tolosa, Jean-Jacques Romatet; e eth director der Espitau de Comènges Pirenèus, Pierre-Yves Gilet.

Eth convèni, eth prumèr d’aguestes caracteristiques que se signe, hè referéncia as traslats interespitalaris d’urgéncia entre Aran e es estructures sanitàries de Nauta Garona, damb eth supòrt deth servici d’urgéncies francés (SAMU 31), e as refòrci d’intervencions primàries en territòri aranés pes servicis deth SAMU 31.

D’aguesta forma, s’especifiquen es accions que s’an d’amiar entà dauant entà hèr front as traslats d’urgéncia entre es centres d’andús costats dera termièra. Es comunicacions provenentes d’Aran en referéncia a un pacient serà tractada de mètge a mètge.

Se prevé qu’eth mètge regulador deth SAMU 31 pogue èster a disposicion deth servici d’urgéncies der Espitau Val d’Aran entà trobar ua plaça d’espitalizacion mès adaptada ar estat de salut deth pacient, sigue en Comènges Pirenèus o en Tolosa.

Dera sua part, eth SABS se compromet a que tot pacient que demane un traslat ara Nauta Garona compde damb ua cobertura sociau. Ath delà, s’arrefortís er intercambi ena formacion medica, atau coma era decision conjunta en encastre dera intervencion primària, damb era possibilitat de prestar servici damb un elicoptèr francés.

Eth sindic Francés Boya s’a felicitat per auer estacat aguest convèni “istoric” qu’a metut d’acòrd as autoritats franceses e araneses entà abordar amassa “era mielhora dera sanitat e eth benèster des ciutadans” e crear un “espaci comun de cooperacion en aguest e en d’auti encastres d’interès compartit”.

 

 

Boya e Jean-Raymond an presidit er acte entà formalizar er acòrd. Boya e Jean-Raymond an presidit er acte entà formalizar er acòrd.

 

Participació