Boya recep ar equip ciclista Vitaldent-Aran

Eth sindic d’Aran, Francés Boya, e eth conselhèr de Torisme, Comèrç e Transpòrt, Juan Antonio Serrano , an recebut aguest maitin ath nau equip de ciclisme Vitaldent -Aran, ena sedença deth Conselh Generau, en Vielha. Er equip d’elit, de prumèra categoria sots 23, premanís era sason, dempús d’auer artenhut plan boni resultats en diuèrses competicions, coma era de Castelhon. Entre es sòns membres, i destaquen Sergi Escobar e Ibon Zugasti. Manu Caseny, un des sòns impulsors e responsables, a explicat qu’er equip “nèish entà promòir era Val d’Aran e fomentar er espòrt e es sòns valors positius entre era joenessa d’Aran”.